OnCity中山网络社区 论坛 娱乐八卦 吳卓羲 黃宗澤《飛虎》再合作 「奧運六星」仲記唔記得? ...
查看: 2141|回复: 0
go

[香港] 吳卓羲 黃宗澤《飛虎》再合作 「奧運六星」仲記唔記得?

Rank: 32Rank: 32

在线时间
1306小时 
威望
50060  

分享到微信
分享到: 分享到QQ空间   
发表于 2018-5-16 14:24 |显示全部帖子
       《飛虎之潛行極戰》日前喺TVB播出,劇集陣容鼎盛,先有苗僑偉、張兆輝及吳岱融等老戲骨,更有吳卓羲及黃宗澤相隔15年再合作,見到兩位型男聚頭,不禁令人回想起那些年TVB「奧運六星」!大家仲記唔記得佢哋?

       《飛虎之潛行極戰》陣容鼎盛

       TVB日前播出與邵氏及優酷合拍的《飛虎之潛行極戰》,故事圍繞香港警方打擊國際恐怖組織發動的襲擊,演員陣容鼎盛,包括有苗僑偉、黃宗澤、吳卓羲、張兆輝及王敏德多位猛男主演,卡士強勁、電影級製作,值得追看!





        

       《飛虎之潛行極戰》其中兩位骨幹演員黃宗澤及吳卓羲,已經15年冇合作過,佢哋在劇中飾演一對同父異母的親兄弟,隸屬警隊不同部門,不過兩兄弟關係認真麻麻,第一集已經出現唔少火爆鏡頭!

      



       那些年TVB奧運六星

       睇到吳卓羲及黄宗澤同場,不禁令人回想起那些年「奧運六星」!2004年雅典奧運時,TVB力捧六位親生仔林峯、馬國明、黄宗澤、吳卓羲、陳鍵鋒、黎諾懿合組「 奧運六星 」,當時個個靚仔又後生,真係令人懷念…

      





         吳卓羲及黄宗澤相隔15年再合作奧運六星還好嗎?林峯歌影視繼爆

       「奧運六星」中以林峯最為出眾,本來在無綫已極受重用,歌影視三線發展都有不俗成績,曾五度在紅館舉行演唱會。自2014年再約滿TVB後,林峯近年轉攻內地市場,接拍多部劇集。講到感情生活,雖然林峯近日與吳千語結束五年情,但已火速搭上內地索模、現年27歲擁34D火辣身材的張馨月!

      



       黃宗澤多年喺無綫唔少劇集中擔正,近年喺《幕後玩家》及《溏心風暴3》亦相當突出,不過Bosco上年同無綫約滿後決定離巢,結束17年賓主關係。之後佢加盟邵氏兄弟,並主力喺內地發展。今年38歲的Bosco雖然緋聞多多,但愛情依然未有著落,睇嚟要加把勁啦!

      




       曾為無綫力捧小生的吳卓羲,從前喺大台都有唔少代表作,最為人認知就當然係演警察啦!2015年,吳卓羲與無綫約滿後,結束15年嘅賓主關係,其後北上搵銀,如今已經係內地人氣小生!而今次佢係以自由身參與劇集《飛虎之潛行極戰》。而家38歲嘅佢,除咗早年被爆搭上細自己十幾歲嘅內地演員盛君後,感情好似都未有下文~



       喺六子入面,相信馬明BB算係最忠心於TVB嘅一個,多年來佢都一直無意離開無綫,一直默默耕耘。去年馬明憑《降魔的》「馬季」再次成為視帝大熱,但最終都係陪跑,只奪「我最喜愛的電視男角色」。最近,44歲的馬明被封超級筍盤多時,不過近年已被黃心穎私有化!

      



       黎諾懿同馬明一樣繼續留效TVB,雖然多年來未算大紅大紫,但憑什處境劇《愛回家》飾演馬壯成功入屋,「神之馬壯」完全深入民心,亦有愈來愈多擔正機會。現時黎諾懿事業、家庭兩得意,前年與身家豐厚的港姐李潔瑩結婚,上年囝囝「小春雞」出世,可謂有仔萬事足~

      




       黎諾懿早前喺《逆緣》中,與比佢年長15歲的夏文汐發展一段母子戀,當中有不少肉麻對白,仲有深情錫錫,真係唔係人人接受到!


http://share.hk.weibo.com/news/article/20180515/3/29/60/吳卓羲-黃宗澤-飛虎-再合作-奧運六星-仲記唔記得-8838212.html


附件: 你需要登录才可以下载或查看附件。没有帐号?注册

猜您喜欢:

    最近浏览

    你需要登录后才可以回帖 登录 | 注册

    广告服务|联系我们|业务QQ:1410042382 , sysop@oncity.me|Archiver|OnCity 社区网 ( 粤B2-20040775号 )

    GMT+8, 2018-5-24 21:58 , Processed in 0.023359 second(s), 11 queries , Memcache On.

    Powered by OnCity.cc X1.5

    © 2000-2017